Strilkove ve Şçaslıvtseve köy şuralarınıñ qoşuluvı
Geniçesk rayonı, hususan Arabat beli topraqları Herson vilâyetiniñ turistik incisi olaraq sayıla. Lâkin çoqları bilemegenine köre, 1955 senesine qadar bu topraq Qırım vilâyetiniñ Canköy rayonınıñ terkibine kire edi.
Geniçesk rayonınıñ, hususan Arabat beliniñ topraqları Herson vilâyetiniñ turistik incisi olaraq sayıla. Şorak çöli, Sıvaşnıñ şifalı suvı, sıcaq ve yımşaq Azaq deñizi er yıl büyük miqdarda turistni Herson vilâyetine celp ete. Lâkin çoqları bilemegenine köre, 1955 senesine qadar Arabat beli toprağı Qırım vilâyetiniñ Canköy rayonınıñ terkibine kire edi.
2020 senesi Qırım vilâyeti Canköy rayonınıñ Strilkove ve Şçaslıvtseve köy şuraları Herson vilâyetiniñ Geniçesk rayonı terkibine berilgeninden berli 65 yıl toldı.
1955 senesi aprel ayında bütün resmiy haritacılıq materiallarına kerekli deñişmeler kirsetildi.
Ondan da ğayrı, 1955 senesi avgust ayında Herson vilâyet hızmetçileriniñ deputatları şurasınıñ icraiye komiteti vilâyet toprağınıñ umumiy meydanını resmiy olaraq deñiştirmesi ricasınen USSR Yuqarı Şurasınıñ Prezidiumına muracaat etti. Şay, 1947 senesine köre Herson vilâyetiniñ toprağı 27,5 biñ kv. km teşkil etken edi. Lâkin Özü limanınıñ 2,3 biñ kv. km toprağı, Sıvaşnıñ ve Qara deñizniñ bazı körfezleriniñ Herson vilâyeti toprağına kirsetilüvi, hem de Geniçesk rayonı toprağınıñ Strilkove ve Şçaslıvtseve köy şuralarınıñ Geniçesk rayonı terkibine kirsetilüvi sebebinden 0,1 biñ kv. km büyüvü sayesinde, vilâyet toprağı 27,6 biñ kv. km-ge qadar büyüdı. Bu deñişmelerni bütün resmiy malümatnamelerge kirsetmek kerek edi.
Herson vilâyetiniñ devlet arhivi, f. R-1979, op. 20, iş 24, saife 267
Bunı da qayd etmek kerektir ki, uzun vaqıt Herson vilâyetiniñ natsist işğalcilerden bütünley azat etilüviniñ resmiy künü olaraq 1944 senesi mart 14-te Bilızerka rayonı azat etilgen kün sayıla edi. 1955 senesiniñ vaqiaları iç bir malümatnamelerde inayetke alınmadı. Şunıñ içün kene de bir kere qayd etmek kerek ki, Herson vilâyeti toprağınıñ azat etilüvini 1944 senesi aprel 12-de Geniçesk rayonınıñ Strilkove, Şçaslıvtseve ve Çoñğar köy şuralarınıñ topraqlarını azat etip, Qırım ücüm amaliyatı (1944 senesi aprel 8 - mayıs 12) vaqtında 4-nci Ukraina cepesiniñ 51-nci ordusınıñ askerleri tamamladılar.