Qırım şarapçılıq tarihı
Qırım şarapçılığı ve yüzümciliginiñ tarihında, inkişafınıñ koordinatsiya merkezi Hersonda olğan, cemaatqa az belli olğan bir devir bar.
Qırım şarapçılığı ve yüzümciliginiñ tarihında, inkişafınıñ koordinatsiya merkezi Hersonda olğan, cemaatqa az belli olğan bir devir bar.
Söz, Herson, Mıkolayiv ve Qırım vilâyetleriniñ sanaat müessiseleri bir tek Herson iqtisadiy memuriy rayonuna birleşken 1957-1960 seneleri aqqında kete. Böyle rayonlar bütün Şuralar Birligi boyunca teşkil olundı; onlarnı nafile profil nazirlikleriniñ vazifelerini becergen halq hocalığı şuraları idare etken edi.
Aynı zamanda respublikalarnıñ bütcet aqları kenişletildi, yani ukrain paralarınıñ eñ büyük payı Ukraina SSC-nde qala edi. İqtisadiyatı pek yaramay allarda olğan Qırım vilâyeti öz şarapçılıq sanaatını kötermek içün, başqa şeylerniñ arasında, respublika bütcetinden pek büyük maddiy yardımlar alıp başladı. O vaqıtları "Massandra" şarapçılıq kombinatınıñ, Qırım şarapçılıq trestiniñ ve Aqmescit likör-araq zavodınıñ şuralar ve kollektiv hocaları Herson sovnarhozınıñ tabieliginde edi.
Herson vilâyetiniñ devlet arhivi, f. R-3266, op. 9, iş 41, saife 282.
Hatırlanğan seneleri devamında umumiy küçler ile yarımadada 128 biñ gektar yüzüm bağları (Qırımnıñ bütün evelki tarihına köre daha çoq) oturtıldı ve 1960 senesine qadar 152,5 biñ gektar (1955 senesine baqqanda 9 defa ziyade) sayısına çıqmaq muvafaq oldı. Parallel olaraq, tabiat rayonlaştırmasına köre eñ yahşı yüzüm çeşitlerini ilmiy-tedqiqat yolunen tayin etüv ve daa da toğru yapuv işleri alıp barıldı; o vaqıtları Qırım vilâyeti içün tahminen 70 temiz yüzüm çeşiti tavsiye etile edi. Köpürçikli şaraplar işlep çıqaruvına ihtisaslaşqan Aqyar şarap kombinatı "Zolota balka"nıñ quruluvına azırlıq işleri başlandı. Şarapçılıq hocalarından yelden qorunuv sıñırları ve meyva, ceviz, badem ve qızılcıq tereklerini oturtuv leyhalanuvda edi.
Herson vilâyetiniñ devlet arhivi, f. R-3266, op. 9, iş 28, saife 2.
1960 senesi iyün 1-den yarımadanıñ sanaatı yañı teşkil olğan Qırım sovnarhozınıñ tabiyeligine keçti. Bir sıra sebepler astında sovnarhozlarnıñ faaliyeti müsbet neticesi uzun vaqıt devam etmedi, lâkin aynen şu devirde Ukraina kene de Qırım vilâyetiniñ cenkten soñraki tüşkünligini yeñmege ve ileri ketmege muvafaq oldı. Qırımnıñ iqtisadiy inkişafınıñ "Herson" devriniñ vesiqalı şaatlıqları qısmen Herson vilâyetiniñ devlet arhiviniñ fondlarında saqlanıla.